المصريون وكلام عن انتخابات الرئاسة

كنت فى احد المواصلات العامة .عندما بدا الحديث عن انتخابات الرئاسة.
لم اشارك فى الحديث فى البداية.
سمعت احدهم يقول ان ابو الفتوح من قتل السادات.وده واضح من كلامه انه احد متابعى توفيق عكاشة .ويجب ان تشهد لعكاشة بالنجاح وانه اعلامى ناجح على الرغم ان كل معلوماته غلط ولو سمعت تحليلاته السياسية ممكن يجيلك جلطة من الكلام.ولكن نجاحه لانه يؤثر فى العديدين من البسطاء ويصل اليهم بعكس النخبة .كم مرة قابلت شخص يقولك توفيق عكاشة قال كده.
فرد عليه شاب منفعلا مين قلك كده.فصاحب الادعاء قال انا قريت فى الكتاب بتاعة .ولكن الشاب اللى طلع بعد كده من حملة ابو الفتوح انا قريت التاريخ ومفيش حاجة من اللى بتقولها.
شوية الراجل التانى طلع من مؤيدى شفيق وشتم فى الثورة .فرد الشاب بيسقط حكم العسكر.
فرد عليه الرجل انا عايز راجل عسكرى فاهم انا حاربت فى حرب الكويت فرد عليه الشاب .احنا قمنا بثورة علشان بيادة العساكر تبقى على رقبتنا.
وانتهى الحوار بان كل منهم يتهم الاخر بعدم الفهم وعدم الاحترام.
اجمع كل الناس على لازم مرسى ما يكسبش .علشان ما يبقاش فيه حزب وطنى تانى.مع السب فى الاخوان .واتهامهم بانهم حرامية.وهنا استغرب اذا كان كل ما تقابل حد يشتم فى الاخوان ويقولك مش حننتخبهم .ازاى بيكسبوا فى الانتخابات .وهما فين .ليه ما بشفهومش فى وسطينا.
من المناقشات فيه حاجة غريبة.كل الناس فوق سن 35 سنة تؤيد شفيق.وواضح ان شفيق شعبيته فى ازدياد واى حد ينكر كده يبقى مش ملم بالواقع.
فسال احد معارضى ابو الفتوح الشاب المؤيد له قائلا ازاى الراجل حيطبق الشريعة ويسلم على منى الشاذلى ودينا عبد الرحمن بيده.هنا سمعت اغرب فتوى ان يجوز للمراة ان تكشف عن وجهها ويدها وبالتالى من الممكن تسلم عادى لان اليد مش عورة.ده اكيد مش المشروع الاسلامى  الليبرالى لابو الفتووح .
هنا سالنى احد الاشخاص انت اخوانى شكلك اخوان .قلتله لا مع ان شكلى ولا اخوانى ولا حاجه.(استنى هو شكل الاخوان بيبقى عامل ازاى).ورديت عليه انا مع حمدين.
فهنا خرج احد الشباب اللى عامل فيها مثقف بيقولى حمدين ايه بس ده ما ينفعش رئيس حى.
وقال حاجة كانت حتجيبلى سكتة قلبية. قال ده اشتراكى راسمالى ازاى الاتنين مع بعض.طب ده جاب الكلام ده منين اكيد مش من توفيق عكاشة لانه من مؤيدى ابو الفتوح.
ولما بكلمه عن مناظرة السادات مع حمدين وابو الفتوح.لقيته بيقول ان ابو الفتوح هو اللى اتكلم وحمدين خاف وقعد .حاجة غريبة.؟
فدخل واح من مؤيدى شفيق يقولك لو اى حد من التيار الاسلامى مسك .بكرة امريكا حتضربنا بحجة وجود اسلحة نووية.
فرد الشاب المؤيد لابو الفتوح احنا قمنا بثورة الشباب وانتوا اللى بتحاولوا ترجعوا النظام القديم.فرد عليه مؤيد شفيق من اللى ضحك عليكوا وسرق الثورة
فرد الشاب الاخوان والسلفين .فاتفق الجميع على هذه النقطة.
ولاخفف من حدة النزاع قلت الصندوق اللى يحكم احنا قمنا بثورة علشان الناس تختار اللى عايزاه لو جه شفيق من غير تزوير فاهلا به .ولو جه مرسى مرحبا به.
هنا ركب شا بين ملتحين ودخلا فى الحوار.المهم يجى اى حد بس يحكم بالاسلام.ويطبق الحكم الاسلامى .
فرد عليه مؤيد ابو الفتوح .يعنى ايه الشريعة وبفهم من هنا .قد جاء الوقت لانزل ولم اسمع الرد.
ولكن واضح ان الشعب المصرى بعد لم يعد مهيئا للديموقراطية .وان كمية المعلومات المغلوطة كثيرة.
وان كل وتحد مقتنع برايه فقط.ويفسر على مزاجه.
انهى بكلمة علاء الاسوانى.
الديموقراطية هى الحل.